Aanaar kiistâ

(Sielun veljet: "Peltirumpu", jurg. Maijukka Pyykkö)

Viäskár skaapi seeinih láá nuuvt fiskâdeh.
Piäivâš lii meid fiskâd, nuuvt sij mainâsteh.
Vuoi jispa pesâččih tom vala kejâdiđ.

Ákku kuárui juovlâskeŋkkân kistuid akkuvân,
nuuvt ivnááh, fijnáh.
Skaapin tállán oovtâ kiävtu maŋa sun taid tuše leggistij.

Tun lah vuálustuolmum Aanaar kiistâ
viäskár skaapi sevŋâdist.
Toppahanskah tohhejeh.
Toh kiävtust láá.
Tun páásáh skaapin,
vuálustuolmum Aanaar kiistâ
viäskár skaapi sevŋâdist.
Toppahanskah tohhejeh.
Toh kiävtust láá.
Tun páásáh skaapin ain.

Tun lah aaibâs tulkkâm jäämmim haajân, ahevân
já cokkiittâh tom skaapi vâi tot puálá kunnân,
ko halijdâh tun olgos piäiváá kejâdiđ.

Ákku kuárui mučis kistuid
já tääl tun viijmâg
keejah piäiváá, mut ele kuástid,
mušte, Aanaar kistuid kuássin ij pyevti tuššâdiđ!

:,:
Tääl lii Aanaar kiistâ iäláskittum,
valdum skaapist uđđâsist.
Aanaar kistuuh tohhejeh.
Toh kiävtust láá,
iä peesâ skaapin.
Iäláskittum Aanaar kiistâ,
piäiváá uážžu kejâdiđ,
olgoááimust navdâšiđ.
Tun kiävtust lah.
Jieh peesâ skaapin (šât)!

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License