Anarâš ehidijd lii ornim Aanaar kuávlust Anarâškielâ servi já SMK. Ehidij teemah mulsâšuveh; láá lamaš iärásij lasseen kuobârmoheh, spellâmehideh já čuovâkuuvij keččâm. Ulmen lii kevttiđ anarâškielâ já opâttâllâđ uđđâ saanijd. Anarâš ehidáid uásálistem ij määvsi maiden. Nube tááhust mätkikoloh iä sajanmaksuu!
Anarâš ehideh 2016
(Tiätu tast, maht Anarâš ehideh uárnejuvvojeh ive2016 puávtáččij lasettiđ teehi)
Moonnâm Anarâš ehideh
Anarâš ehideh ive 2011:
15.3. Filmâeehid
Lássekuáđist lijjii uáinimnáál Anneli Lappalaisii já Suvi Kivelä fiilmah. Anneli Lappalainen lâi kuvvim anarâškielâ tievâsmittemškovlim kulttuurkuursâi tábáhtusâid, já lii čokkiđ tain siemin dokumeentijd / máttááttâsvideoid. Suvi Kivelä lii ráhtám lovemiinut kukkosii dokumeenti Koskis Aailâst. Dokumeenti nommâ lii Uđđâsist šoddâm. Jis kiinii haalijd vala uáiniđ tom, te puáhtá koijâdiđ Suvist.
12.4. Runneuággum
Vuáskujäävrist lijjii runneuággumkištoh. Jođetteijee já kišto tuámmár lâi Anja Kaarret.
Kišto vuoitij Anni Sarre, kote kuudij paijeel 600 g kuolijd.
Säämi uđđâsij saavah anarâšâi runneuággumist
Sámi ođđasat 13.4. (10 miinut peht)
(váldoo Areenast meddâl 20.4.2011 tme 23.10)
10.5. Koškepuškoeehid
Koškepuškoehidist lijjii vuod masa 20 ulmuuh já taan kerdi eromâsávt ennuv lijjii meid párnááh!
Matti Morottaja vistig muštâlij Smk:n Lássekuáđist
váhá koškepuškokuškâdem prosessist já Ero-Piäkká Aikio meid mainâstij koškepuško mainâsijd talle ko kähvistâlâim.
Mist lijjii ohtsis 5 puško. Kunnee tast kulá Kuobžâ-Saammal Maatin, Anja Kaarretin já Ritva Kangasniemen.
Matti čaaitij, ete maht tom puško kalga čuoppâđ selgipeln, vai tom puáhtá kuškâdiđ. Ritva já Ánná Morottaja
aainas-uv kehčâláin cuoppâđ já kalehan tot Áánást-uv talle luhostui jo nube keerdist :-)
Muu mielâst lâi vuod uáli hitruus eehid já uđđâ ulmuuh meid!
t. Suvi
1.6 Loddemokke
Peivimeeri lii muttum algâalgâlii pápárist ađâï loddemokke lii tääl ko 1.6. tme 16.30.
Kuáhtáp Sakkist, Lassekuáđi ulguubeln vistig ja talle vyeijip Tuáivunjaargân, kost lii loddetorni. Väldiđ fáárun kiijkárijd ja kumistevilijd, loddekirje-uv jis kávnoo. Anarâškielâ servi fáálá käähvi, mutâ jis tun halidâh passeeđ määrfi te vääldi fáárun.
Stivrejeijen lii Maijukka Pyykkö.
Tiervâpuattim puohháid! Ja fáárun uážžu puáttiđ, veik ij liččiigin vala kiergânâm eelliđ anarâš ehidijn! Taan räi ehideh láá luhostum uáli pyereest ko ohtsis jo masa 40 olmožid láá jo lamaš fáárust!
t. Suvi
2.7. Kuálástempeivi
Kuálástempeivi lei Kiäptuvei riddoost. Tobbeen lijjii suullán love kuálásteijee já mist lei šiev peivi.
Mun kuddim kulmâ suávvil pužžvuoggáin já lijjim hirmad ilolâš! Mattus Hans poođij riidon kärbáin já
suu Aila uábbi-uv lei tobbeen - eidu kiergânij ovdil vuolgij pááikán Ruávinjaargân. Tiäđust-uv mij tulastâláim já
palidijm. Párnááh lijjii meid ennuv, mii lei hävski puohháid.
2.8. Sierâdem- já spellâeehid
Sierâdem- ja spellâeehid lei Lássekuáđist porgemáánu aalgâst. Ennuv ulmuuh lijjii vala kesiluámust, ete tobbeen lijjii tuše 8 olmožid. Vistig mij smietâim váhá saanijd já talle njuárustâim (? jiem määti kustoo sujâttiđ tom), rahtijm riššepoccuid jna. Huovis Heli lei tobbeen sahhiittalmin ulmuid já párnáid já tast šoodâi kale suotâs maainâs. Irattim piejâd taid sieradem já speelâm saanijd teehin labdosin, mutâ tot ij vissâ tooimâ??
Sieradem_ja_spellaeehid2.8.2011-3.doc
Tuáimá kale! -Petter M.
30.8. Kuobârmokke
17.9. Juŋŋâmokke
Anarâš ehidij juŋŋâmokke (24.9.) lii sirdum Ailâ-Maarit Valle hávdedmijd keečild.
Juŋŋâmokke lii táál oovtâ oho tooleeb ko lâi vistig suunnâttâllum ađâi 17.9. tme 11.00-15.00.
Vyelgip Lassikuáđi (SMK) šiljoost tme 11.00. Vissâ myerjisajen lii Čuárvinjaargâ luoddâ piällást. Suáiti veik
munjin (050 3375693), jis puáđáh maŋeláá. Väldiđ iäbbárijd, kumistevilijd, myerjičuákkimijd fáárun. Mij faallâp käähvi já
pulá. Vääldi jieš erer evvisijd, jis tarbâšah.
tiervuođâiguin,
Suvi
ps. Juurdân lâi skeŋkkiđ muorjijd kielâpiervaláid, JIS nuuvt halidah.
11.10. Muusikeehid
Maijukka Pyykkö lii eehid stivrejeijen. Savastâllâp musiikist, lávlup já kenski meid jurgâlep saanijd kiitiätá.
tijme 18 Lássekuáđïst Anarist.
25.10. Mááccuheehid
8.11. Puáris čuovâkoveh já mainâseh
22.11. Salmâeehid