Nuorttâlâš "Kaisa´s Enchanted Forest" -dokumentist vuosâeehid Torontost

Nuorttâlâš filmârähtee Katja Gauriloff uđđâsumos dokumentelleekove “Kaisa's Enchanted Forest” vuosâeehid lii vyesimáánust Hot Docs filmâfestivaalist Torontost, Kanadast. Dokument muštâl Gauriloff jieijâs madârááhust, Kaisa Gauriloffist já Kaisa ustevvuođâst sveitsilâš kirječällee Robert Crottetinijn.

Nuorttâlâš fimârähtee Katja Gauriloffin uđđâ dokument "Kaisa's Enchanted Forest" vuosâeehid lii Hot Docs -filmâfestivaalist Torontost, Kanadast 3. peeivi vyesimáánu.

Katja Gauriloff lii Ruávinjaargâst vuálgus. Sun vuárdá vuosâeehid moovtâ.

– Mun lam hirmâd luholâš ko taat filmâ lii viijmâg vaalmâš. Mun vuárdám, ete mij peessâp čäittiđ tom ulmuid viijđáht, Gauriloff illood.

Maainâs ”Máánu meeci Káájást”

Dokumentellekove muštâl Gauriloff madârááhust Kaisa Gauriloffist, já Kaisa já sveitsilii kirječällee Robert Crottet ustevvuođâst.

Robert Crottet juuđij ovdil maailmsoođij Piäccám Suonikylán. Kaisa vaaldij suu páikkásis aassâđ, já suoi šoddáin ustevin. Nuorâ Robert Crottet lijkkui Kaisa Gauriloff mainâsáid čuuvtij já čaalij maŋeláá Kaisa mainâsij vuáđuld kirje. Máánu mecci -kirje šoodâi uáli jo piivnohin pirrâ Euroop.

Uđđâ "Kaisa's Enchanted Forest", Máánu meeci Káijá -dokument áiguh čäittih meid Suomâst. Fiilmâ lává pyevtittâm Satu Majava já Joonas Berghäll Oktober-pyevtittemirâttâsâst.

– Mij lep tääl seelvâtmin, kuás já kost mij puávtaččijm čäittiđ fiilmâ tääbbin Suomâst vuossmuu tove. Kale tot-uv äigi puátá, Katja Gauriloff muštâl.

Taat uuđâs lii jurgâlum anarâškielân 24.4. 2016 Yle sijđoost: http://yle.fi/uutiset/kolttasaamelainen_kuun_metsan_kaisa_-dokumentti_saa_ensi-iltansa_torontossa/8826947

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License