Kierâš (lostâ)

Kierâš lii anarâš tiäđáttâslostâ, mii almostui ivij 2007-2011 ääigi. Tom kuástidij Anarâškielâ servi já toimâttij Petter Morottaja. Lostâ lâi vistig tuše tekstâtiätuvuárkká, mii vuolgâttui Kierâš-listo peht tiilájeijei šleđgâpoostân. Maŋeláá tast šoodâi eenâb-uv nettilostâ, mast lijjii jieijâs internet-sijđoh seervi sijđoi ooleest. Sijđoh iä lah tääl uáinimnáál, ko servi lii eidu uážžudmin uđđâ sijđoid toimâmnáál.

Kierrâš puovtij tiiláđ meiddei pááppárlostân: pááppárlostâ lâi tuše šleđgâlostâ, mii lâi printtejum. Pááppárlostâ lâi uáivildum tooid, kiäin ij lamaš tuárvi šiev nettiohtâvuotâ pääihist. Lostâtiilájeijeeh lijjii ivij mield suullân 20, veikkâ majemuu loostâ almostittem ääigi meeri lâi-uv lasanâm kidâ 40 tiilájeijen.

Kierâš almostui vistig jyehi ohhoost, maŋeláá tuše kuohtii mánuppaajeest já ton majemui almostumaaigij tuše ohtii mánuppaajeest. Suijâ toos, et lostâ jooskâi almostuumist, lâi uásild tot, et Facebook falâškuođij anarâššáid šiev tieđettemuáli. Anarâškielâ seervist lii kuittâg lamaš ulmen finniđ Kierâččân uđđâ toimâtteijee já juátkiđ loostâ almostittem. Kierâččist lijjii uđâstekstân hämmejum čalluuh, main ličij laseárvu Facebook tieđettem paaldâst.

Almostum loostah

Ive 2007 loostah (zip)
Ive 2008 loostah (zip)
Ive 2009 loostah (zip)
Ive 2010 loostah (zip)

2011

kieras2011_01.pdf
kieras2011_02.pdf
kieras2011_03.pdf

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License