Kuobbârij čuággeeh

Vyelgi miäcán. Keččâl uuccâđ kuobbârijd. Toh iä lah ain älkkeeh kavnâđ. Tun ferttiih čuávvuđ luándu meerhâid. Tun ferttiih tubdâđ enâmijd, vâi tiäđáččih, magarijn soojijn kuobbâreh šaddeh. Váárut mirkkâkuobbârijd!

Kuobbârij čuággeeh lii Hannu Pajula vuávám já Tanja Severikangas kuvvim lyevdispellâ, mii lii toimâttum anarâškielân. Speelâst kalga jotteeđ meeccist já čuággiđ kuobbârijd. Spellâ suápá käävci-ihásáid já puárásubboid. Spelleeh pyehtih leđe kyehti teikkâ eenâb, mut avžuuttâs lii 3-4.

Speelâst láá ohtsis 54 kuobbârid, main uási finnejii anarâškielâlii noomâ eskin 2000-lovvoost, ko anarâškielâ ravvimjuávkku kieđâvušâi Marja-Liisa Olthuis vuávám nommâiävtuttâsâid Suomâst šaddee kuobbârij várás.

Spellâ lii vuávájum jo ive 2005 sulâin. Tast maŋa Anarâškielâ servi aalgij toimâttiđ tom anarâškielân. Sämitigge mieđettij speelâ tooimâtmân, kuvviimân já printtiimân išeruuđâ ive 2007 (sulâin). Ruttâ ij kuittâg pijsám printtiimân, veikkâ koveh kale šoddii valmâšin. Ihán 2014 servi finnij nube išeruuđâ, moin spellâ toimâttâi loopân já tast printtejuvvojii 70 pittád. Uási speelâin juáhhojii nuuvtá škovláid, kielâpiervâláid já Sämitiigán. Loopah liččii uástimnáál seervist já pyereest rahttâttâm kirjekaavpijn (Duodji lâš áinoo).

Speelâst lii rahtuumin raavâvideo.

Speelâ njuolgâdusâid puáhtá lahteđ teehi meid čallum häämist (smn, fi, eng?).

Speelâ lasematerialij várás lii Google Drive -vuárkká. Vuárhást láá

  • tivodâsah raavâkiirján
  • maŋgii koijâdum koččâmušah
  • lasenjuolgâdusah já variaatioh
Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License