Sämitige kuástidem oppâmaterialeh
Sämitige škovlim- já oppâmaterialtoimâttâh pyevtit anarâškielâ oppâmaterialijd proojeektpargon. Projektij pargeeh láá táválávt freelancereh teikkâ motomin meriáigásiih tijme- teikkâ mánuppajepargeeh. Maggaargin virge ij Sämitiggeest lah jieškote-uv kielâi oppâmaterialpyevtitteijen.
Škovlim- já oppâmaterialtoimâttuvvâst láá viehâ pyereest tiäđust oppâmaterialtáárbuh aainâs-uv vuáđuškoovlâ peln, já sij keččâleh taid loomijd tevdiđ mottoomlágán prioritetlisto mield. Toimâttâhân puáhtá vuolgâttiđ meid jieijâs proojeektiävtuttâsâid. Jis toimâttuvvâst lii ruttâ, te škovlim- já oppâmateriallävdikodde sáttá tuhhiittiđ proojeektiävtuttâs.
Stuárráámus uási Sämitige kuástidem oppâmaterialijn láá vuáđuškoovlâ várás. Motomeh pođoi kirjeh láá uáivildum jo-uv vuálá škovlâahasáid teikkâ rävisulmuid.
Vuálá škovlâahasáid
Sämitigge ij lah ráhtám ennuv material vuálá škovlâahasáid, mut motomeh materialeh láá kavnâmist kale.
| Oopâ saanijd | 2000 | Čáállám Matti Morottaja. | |
| Muu vuossâmuuh 1000 säännid | 2011 | Jurgâlâm Pia Nikula já Anne-Marie Kalla. | |
Eenikielâ
Eenikielâ máttááttâsân materialeh láá 1-2-luokkalij várás. Kuálmád luokkaast ovdâskulij oppâmaterial váilu ollásávt.
| Tyebbin tääbbin | 2015: Ovdâškovlâlijd uáivildum puđâldemkirje, mii vuávájui siämmáá-áigásávt anarâškielâ, tavekielân já nuorttâlâškielân. Pargojuávhust Petra Kuuva, Pigga-Helena Magga, Tiina Sanila-Aikio já Petter Morottaja. |
| Muu aabis | Muu aabis lii 1-luokkalij eenikielâkirje, mon lii čáállám Matti Morottaja. Kovvejeijeeh láá Dániel Gelencsér já Tanja Severikangas. |
| 2011 | Muu aabis, čohčâ |
| 2013 | Muu aabis, čohčâ - pargokirje |
| Muu aabis, kiđđâ | |
| Muu aabis, kiđđâ - pargokirje | |
| Luuhâmkirje | Johan Jernsletten já Sverre Hatle čokkim luuhâmkirje, mii lii jurgâlum anarâškielâ. Taat lii puárrásub oppâkirje, mii lii maŋeláá uđâsmittum uđđâ ortografian já toos lii ráhtám hárjuttâsâid Petra Kuuva. |
| 2010 | Luuhâmkirje (uđâsmittum versio) |
| 2011 | Luuhâmkirje hárjuttâskirje |
| Virkkuuvääri luuhâmkirje | Luuhâmkirje anarâškielâlij nubeluokkalij várás, mon lii čáállám Petter Morottaja já kuvvim Mika Kolehmainen. Luuhâmkirje fáárun láá šoddâmin Petra Kuuva rähtim hárjuttâskirjeh. |
| 2014 | Virkkuuvääri luuhâmkirje, čohčâ |
| 2014 | Virkkuuvääri luuhâmkirje, kiđđâ |
Eres materialeh eenikielâ máttááttâsân:
| 1985 | Viiđas. (ovdâškoovlâst 3. luokan) Tavekielâst jurgâlum eenikielâ lasematerial, mii lii čallum puáris ortografiain. |
| 1990 | Aabis 2 kidda-aabis. (2. luokka) Tavekielâst jurgâlum oppâkirje, mii lii čallum puáris ortografiain. |
| 1994 | Lamek. (ovdâškovlâ) Tavekielâst jurgâlum eenikielâ lasematerial. |
| 2013 | Muu vuosmuš kietâčaalâvihko (1. luokka) Tavekielâst heiviittum. |
Pirâstiätu, biologia já eennâmtiätu
Pirâstiäđu já biologia oppâmaterialeh láá jurgâlusah suomâkielâlijn oppâmaterialijn. Pirâstiäđu oppâmaterial lii tääl faallâmnáál ubâ vyeliškoovlâ várás já ton lasseen paješkoovlâ várás láá motomeh oppâkirjeh.
| Luándukirje-ráiđu | 1-2-luokkaláid uáivildum pirâstiäđu oppâkirjeh, moh jurgâluvvojii vala talle ko anarâškielâ sánádâhpargo ij lamaš tuođâi álgám. Ton keežild kiirjijn láá uđđâ säänih, moh taan ääigi čállojeh váráh eresnáál. Kiirjijd lii jurgâlâm Marja-Liisa Olthuis. |
| 2003 | Luándukirje 1 |
| 2004 | Luándukirje 1 Pargokirje |
| 2003 | Luándukirje 2 |
| 2003 | Luándukirje 2 Pargokirje |
| Biologia já eennâmtiätu -ráiđu | Puárásub vuáđuškovlâlijd uáivildum biologia já eennâmtiäđu kirjeh. Kiirjijd lii jurgâlâm Ilmari Mattus. |
| 2009 | Pirâstiätu 3 |
| 2009 | Pirâstiätu 3 Pargokirje |
| 2010 | Pirâstiätu 4 |
| 2010 | Pirâstiätu 4 Pargokirje |
| 2011 | Škoovlâ biologia já eennâmtiätu 5 |
| 2011 | Škoovlâ biologia já eennâmtiätu 5 Pargokirje |
| 2011 | Škoovlâ biologia já eennâmtiätu 6 |
| 2011 | Škoovlâ biologia já eennâmtiätu 6 Pargokirje |
| 2014 | Škoovlâ biologia: Sisčääsih (7. lk) |
| 2014 | Škoovlâ biologia: Sisčääih Oppâmvihko |
| 2013 | Škoovlâ eennâmtiätu: Amerik (7.-9. lk) |
| 2013 | Škoovlâ eennâmtiätu: Amerik Oppâmvihko |
Matematik
Matematik oppâkirjeh láá jurgâlusah suomâkielâlijn oppâkiirjijn. Jurgâleijeeh lává lamaš Tanja Kyrö já Iiris Mäenpää. Kuálmád luokkaast ovdâskulij ij lah anarâškielâlâš oppâmaterial faallâmnáál matematik máttááttâsân. Máttáátteijeeh (ušom) kevttih suomâkielâlijd kiirjijd meid anarâš máttááttâsâst.
| 2011 | Lohosierâ 1 čohčâ | |
| 2012 | Lohosierâ 1 kiđđâ | |
| 2012 | Lohosierâ 2 čohčâ | |
| 2014 | Lohosierâ 2 kiđđâ | |
Oskoldâh
Oskolduv oppâmaterialeh láá meiddei jurgâlusah suomâkielâst. Oppâmaterialeh láá 2-3-luokkalij várás já tot-uv material lii viehâ čuuvtij puárásmâm ige nuávdit innig tááláid máttááttemvuáváámijd. Pyeri paaimân -kiirjijd lává jurgâlâm Ilmari Mattus já Matti Morottaja.
| Pyeri paaimân -ráiđu | ||
| 2002 | Pyeri paaimân 2 | |
| 2002 | Pyeri paaimân 2 hárjuttâsah | |
| 2003 | Pyeri paaimân 3 | |
| 2003 | Pyeri paaimân 3 Pargokirje | |
| Anarâš lavluuh CD | Almostui 2008 | |
Sämikielâ viereskielân
Sämikielâ máttááttâs várás láá materialeh sehe tooid, kiäh algâtteh kielâuápuid vyeliškoovlâst já meid tooid, kiäh algâtteh luvâttuvvâst (viereskielâ tääsi B2-B3) teikkâ eskin rävisolmožin.
| Kielâkyeimi-ráiđu | Luvâttâhlijd já rävisulmuid uáivildum kirjeráiđu. Ulmen lii vuáváđ oppâkiirjij paaldân digimaterial, mast liččii lasehárjuttâsah já kuldâlemhárjuttâsah. Kirje láá čáállám Petter Morottaja, Petra Kuuva já Marja-Liisa Olthuis. |
| 2011 | Kielâkyeimi I tekstit |
| 2013 | Kielâkyeimi I harjoitukset |
| Hitruu! -ráiđu | Hitruu! -kirjeh láá uáivildum tooid, kiäh algâtteleh anarâškielâ uápuid jo vyeliluokain. Kirje lii čáállám Teija Linnanmäki já hárjuttâsâid láá ráhtám Tanja Kyrö já Eljas Niskanen. |
| 2012 | Hitruu 1 - Ááhu kuuvl |
| 2014 | Hitruu 1 Pargokirje, čohčâ |
| ? | Hitruu 1 Pargokirje, kiđđâ |
| 2014 | Hitruu 2 - Pennuuseibi! |
| ? | Hitruu 2 Pargokirje |
| Sämikielâ-ráiđu | Ucánjáhháá puárásmâm kirjeráiđu, mii lii jurgâlum tavekielâst. Jurgâlâm Iisak Mattus. |
| 1998 | Sämikielâ 1 |
| (máŋguseh) | Sämikielâ 2-4 |
Eres material
| 1998 | Lávustâllâm já luánduamnâseh. Tavekielâst jurgâlum já anarâškielân heiviittum kirje, mii kieđâvuš lávustâllâm sánáduv já ravvuid. | |
| 2003 | Alias. Taan speelâst kalga čielgiđ saanijd nubbijd. Spellâ lii jurgâlum puoh Suomâ peln sarnum sämikieláid. | |
| 200? | Tiätu, Táiđu já Utke. Lyevdispellâ párnái várás. | |
| 2008 | Cimcâheh. Taaiđâantologia. | |
| 2009 | Kulmâ skipárâš. Laavlâkirje, mast láá fáárust tavekielâ, anarâškielâ já nuorttâkielâ. | |
| 2010 | Idiomisanakirja. Čokkim Hans Morottaja já Anna Idström. | |
| 2012 | Anarâš pivtâstem. Ella Sarre čäällim tyejikirje. | |
Oppâmaterialeh rähtimnáál
- Hitruu 3
- Inarinsaamen kielioppi
- Sänikirje
