Rähistâm lii fastes sääni

(Ismo Alanko: Rakkaus on ruma sana, jurg. Anne-Marie Kalla)

Jis uážuččim ärräid, ässäid, ääid já iijd - pääččiđ,
Porgâččim tom tállân!
Kiškoččim já jurmâliččim sänistáálu - cuovhâs
Porgâččim tom tállân!
Pahas sääni surmediččim, muurâš lappuuččij fakkist
Porgâččim tom tállân!
Lijkás ennuv muččâdvuotâ kale jámáččij
Sääni, tuše sääni!

Pyereeb kale ličij veikkâ láávu teikkâ luođâ
iiđeed teikkâ eehid, máánu teikkâ njuođâ
Karosääni sullâsâš lii taverákkásâš

Rähistâm lii fastes sääni, aibâšâm nuuvt nánnáb
Rähistâm lii fastes sääni, tiivtâi turgedem

Jis uážuččim ohtii reisust rähisvuođâst ruŋkâttiđ
Porgâččim tom tállân!
Mutâ ij lah innig sääni, kiävtâm rááiđu muččâdub
Tohâlim tom tallân!

Sääni ko sääni!
Tuše jieŋâlis tobdotile, šiev euforia
Sääni ko sääni!

Jiem innig taarbâš rákkásânttáá piergiđ
tuámmeen já kaččeen miätá luho jieggijd
Karosääni sullâsâs lii taverákkásâš

:,:
Rähistâm lii fastes sääni, aibâšâm nuuvt nánnáb
Rähistâm lii fastes sääni, tiivtâi turgedem

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License