Sämikandâ

(Lapin poika, jurg. Suvi Kivelä)

Sämi kandâ mun lam nuáidisuuvâst,
nuáidirumbu lam ain kuldalâm
Puásui-iälu mun čuážum tääl paaldâst
tuoddârist mun ain návt livđestâm

Kuovsâkkâsâid mun uáinám val iho,
kiiđâ meerhâid mun luándust luuvâm
Muštám nieidâ kii lii munjin áinoo,
moje muštám já nievdâškuáđám

Kiđđâlui já tääl skammâ jo nuuvâi,
nieidân mun tuálvum vuod tuoddârân
Keččim skierrán ko loostâš vuod šoodâi,
tubdim suu pyeremus ustevin

Rähisvuođâ mun tubdim muu vááimust,
lijjih muččâd ko kiđđâpiäiváš
Tuoddâr alaččist jođám tääl vuálus,
tuáivum tullâpiällást sun čokkáš.

Piäđuh julmeh hettii iälu ráávhu,
ketki, iilvâs já vist kumppi-uv
Ehidân koskâldittij tuot pááhu,
valdim viärju já vuod kuođđim suu

Nuuvâi pivdo já maccim ton sajan
kost muái láim iäránâm ovdebáá
Ohtuu čokánim mun tullâpiällás,
teiveen-uv muái - tomhân uáiná

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License