'Še' já 'meiddei' iäruh

Säämi Kielâkäldee kielâjuávus adelij čuávuváá ravvuu čuákkimstis 12.-13.12.2016:

Meiddei ~ meidše pyehtih čujottiđ oles celkkui, iä tuše ovtâskâs jesânân. Sárnumkielâst puáhtá meid/še-saanij soijijn tiäduttiđ mottoom tiätu sääni teikkâ ääši, mutâ čäällimkielâst ton kevttim lii vaigâdub, já tot räijee saanij saje čälimist. Še oroččij čuujootmin oovdeb sáánán, ige tot táválávt aalgât celkkuu. Meiddei ~ meid kuittâg puáhtá puáttiđ meiddei celkkuu aalgân. Tot lii riijâb ton tááhust, já jis tot čuujoot monnii ovtâskâs celkkuujesânân, tot lii táválávt njuolgist ovdiibeln teikkâ moojiibeln.

Luuvâ lase: Še - meiddei: Kuás kuábáš?

Ovdâmerkkâcelkkuuh:

Mun še vuálgám.
Mun meiddei vuálgám.

Auto lii muččâd, mut tot lii meiddei šiev tyejiipiergâs motomáid. (taas ij heivii še)

Tiervâ še! - Taas ij soovâ meiddei. 'Tiervâ še' oro lasseen lemin aaibâs jieijâs idiomatlâš ohtâdâh.

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License