Šlaarvâ ruusu

(Irwin: Rentun ruusu, jurg. Annika Pasanen)

Taa kievânjuolâs, tot šlaarvâ ruusu lii.
Tom valdim tyebbin maađij piällást.
Taa kievânjuolâs, tot šlaarvâ ruusu lii.
Ko juhhee šlarvâ šoodâi kaandâst.

Lam lamaš oho kiäinuttis kiäinu alne.
Luččâláádust kohmáást koccájim.
Iä ruusuh liäđu iäge hááisu tobbeen.
Oovtâ kuká mun fáárun tuáppejim.
Tohon maađij raavin vijmâg viättu čaaskâi.
Tego šahe, mun čääsist škorijdim.
Poškâkiärpáš hurijdij já kussâ páárgui.
Argâpiäiván jo maccâđ ferttejim.

Taa kievânjuolâs, tot šlaarvâ ruusu lii.
Tom valdim tyebbin maađij piällást.
Taa kievânjuolâs, tot šlaarvâ ruusu lii.
Ko juhhee šlarvâ šoodâi kaandâst.

Taat kievânjuolâs lii ko skeŋkkejeijees,
iilâskšaddo eellim šaddokaardijn.
Ijbâ eres määti šlarvâ pyehtiđ tunjin,
taggaar kuhes čájádâsâin puáđidijn.
Taam skeeŋkâ kuittâg adlâm njuolgist vááimust.
Pivdám addagâs já kaađâm sudoidân.
Kukáh kalneh, iä toh siäilu vaasist,
jiemge toollâđ määti lopádâsâidân.

Taa kievânjuolâs, tot šlaarvâ ruusu lii.
Tom valdim tyebbin maađij piällást.
Taa kievânjuolâs, tot šlaarvâ ruusu lii.
Ko juhhee šlarvâ šoodâi kaandâst.

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License