Tamâttum

(Seija Simola: Kesytetty, jurg. Maijukka Pyykkö)

1.
Tun lah munjin tuše ohtâ,
ohtâ tuhhááttij juávhust.
Jiem tuu ollágin taarbâš.
Jiem, jiem ollágin taarbâš.
Mutâ jis tamâttâh muu,
te talle muoi tarbâšeen kyeimi kuáimán
Liččih áinoo mailmistân
piäiváš muu elimist.
Liččih áinoo mailmistân
piäiváš muu elimist.

2.
Tyebbin lii syeinipiäldu.
Tot lii koleivnásâš.
Tot lii murâšlâš munjin.
Vuoi, ko lii murâšlâš munjin.
Mutâ jis tamâttâh muu,
te kollevuoptâidâd muštám,
eivi ko kolle syeinipiäldu
piegâst lii šuuvijdmin,
eivi ko kolle syeinipiäldu
piegâst lii šuuvijdmin.

3.
Jiem tuu puátimist tieđe.
Tot lii munjin aaibâs siämmáá.
Mun lam mailmist ohtuu.
Vuoi, ko lam aaibâs ohtuu.
Mutâ jis tamâttâh muu,
te puátimâd halijdâm tiettiđ talle.
Vyerdim addel jo luho tobdo.
Juurdâ jo lieggee nuuvt.
Vyerdim addel jo luho tobdo.
Juurdâ jo lieggee nuuvt.

4.
Tásnážâd lii aaibâs ucce,
ohtâ tuhhááttij juávhust.
Kuittâg munnui tehálâš,
munnui uáli jo tehálâš.
Tondiet ko tamâttih muu,
te tuin mun halijdâm taasnijd keččâđ.
Monâtteen kuáimán avalâšvuotân,
taasnijd oovtâst rähisteen
Monâtteen kuáimán avalâšvuotân,
taasnijd oovtâst rähisteen.

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License