Telepatia

(J. Karjalainen: Telepatiaa, jurg. Suvi Kivelä)

Muštáh-uv ko muoi njaaváim pajas láiguvistážân
Ele cuuvnâ puáris ááhu, tun ettih, kyeđe kammuid viäskárân
Já tun vuošših munnui teejâ, nuorttâlij taavijn
Oskoh-uv pajeluánduláid, tun smiettih,
oskoh-uv telepatian

Täsnilaampu vyelni
tobbeen seeŋgâ alne
ko muoi talle cummâstâláim
oi, mun uskum immâšáid

Muoi kuldâláim viestâid, radio šavânist
já keččâláim sirdeđ peevdi, tuše jurdui vuoimijn
Seeini tyehin ákku, joođhij kuorsâttem,
munnust lâi pajeaiccâ,
sun ij kale kuullâm maiden

Täsnilaampu vyelni …

Maht mun muštim-uv tuu tääl, nuuvt maaŋgâ ive keččin
Kietâvuoidâsâd haajâ, lâi kostnii oppeet oopsijdmin
Vâi tábáhtui-uv kenski miinii, stuárrâb ko eellim
Muštáh-uv ko sierâdáim
telepatia

Täsnilaampu vyelni …

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License