Vyeijileen tuolmâmpyeráin

(Freeman: Ajetaan me tandemilla, jurg. Maijukka Pyykkö)

Mun lam puáttám tuoddârist
raavist sehe ruávustist
Tun vist keččih naaburist
maht mun kuávlu läpittim
Mun lam vázzám pelijiegâst
reppu tievâ vaijaavuođâst
Ele leggist muu tuu soolâst
tääl ko viijmâg kavnim tuu

Vyeijileen muoi tuolmâmpyeráin
larmâdeen já čulgâdâlleen
Päikkisiijdâ aldasijn
koijadâlleen kost heejah láá

Mun lam iällám Ruoššâpeeleest
Karvaselkä kommetuuveest
jurdâččâm ain maggaar saajeest
orostâm mun lopâlávt
Vyesikappeer puolâššooŋâst
uáivist ko mun livzom oovdâs
Kesi-iijâ kuulâm tuođâst
piiruid meecist huikkedmin

:,:
Vyeijileen muoi tuolmâmpyeráin
larmâdeen já čulgâdâlleen
Päikkisiijdâ aldasijn
koijadâlleen kost heejah láá
:,:

Mun lam vuábdám tuuristniijbijd
kavpâšâm meid poccuučoorvijd
uáinám ennuv luoddâroođijd
mielân ferttiim selvâttiđ
Mun lam jollâ ohtuu mäddin
Pááikán vuálgám veikkâ vääzin
Mun lam muččâdumos tunjin
Oppeet tunjin rähistuum.

:,:
Vyeijileen muoi moottorkiälháin
larmâdeen já čulgâdâlleen
Päikkisiijdâ aldasijn
koijâdeen kost pygálysâh láá
:,:

Ellei toisin mainittu, tämän sivun sisällön lisenssi on Creative Commons Attribution-ShareAlike 3.0 License